මහගෙදර ටෙලි නාට්‍ය හරහා ලංකාව තුළ අතිශය ජනපි‍්‍රයත්වයට පත් හිතෙන් පජ්වානිට (කරන් විරානි) පූජා ටෙලි සිතුවමේ නිෂ්පාදිකා හා ප‍්‍රධාන නිළිය වන ජානකී විජේරත්න කැමැත්තෙන් පසුවන බව පැවසේ.ඇය මේ දිනවල වැඩි වශයෙන් කථා කරන්නෙ හිතෙන්ගේ නිරූපන හැකියාව ගැන බවත්, පැවසේ.එසේම ඇය විසින් ඉදිරියේදී නිෂ්පාදනය කරනු ලබන සෑම නිර්මාණයකටම කරන් සම්බන්ධ කරගැනීමේ බලාපොරොත්තුවකින් සිටින බවද පවසා තිබේ.ගුවන් සේවිකාවක් වටා ලියවුණු කතා පුවතක් ඔස්සේ සිරස රූපවාහිනියෙන් දිග හැරෙන පූජාහි කරන්ට හිමිව ඇත්තේ ඉතා කෙටි චරිතයකි.ඔහු පූජා ටෙලි නාට්‍යයේ පූජාගේ සැමියාගේ චරිතයට පණපොවනු ලබයි.
මේ සුන්දර කතාවලට වඩා කරන්ගේ පැමිණීම හරහා එහි දර දිය ඇදි නළු නිළියන්ට සිදුවූ අසාධරාණය තරමක් කටුක බව වාර්තා වේ.කෙසේවුවද පූජා ටෙලියේ කරන් රගපෑ චරිතයට ඔහු අය කළ මිළ රුපියල් ලක්‍ෂ 15ක් බව පැවසේ.ඔහුට ඒ මුළු මුදලම ගෙවා ඇතත්, මෙහි ප‍්‍රධාන චරිත රගපෑ ශ‍්‍රී ලාකේය නළු නිළියන්ට ඔවුන්ගේ චරිත වෙනුවෙන් ගෙවීම් නිසි පරිදි සිදු කර නැති බවත් වාර්තා වේ.
